“ІІ Ватыканскі сабор – компас ІІІ-га тысячагоддзя”. Выпуск 2
Мы працягваем цыкл
перадач аб ІІ Ватыканскім саборы, мэтай якіх з’яўляецца адкрыццё нанава скарбаў сабору
і яго актуальнасці ў наш час.
Пасля таго, як папа Ян ХХІІІ заклікаў сабор да
славутага “аднаўлення” (“aggiornamento”) веры, паміж сінадальнымі айцамі “нарадзілася
моцнае жаданне – як казаў Ёзэф Ратцынгер – крочыць новымі шляхамі па-за схаластычныя
схемы, ідучы на рызыку новай свабоды”. Адчувалася жаданне і надзея аднавіць Касцёл,
рэфармаваць у адпаведнасці з лацінскім выразам “Ecclesia semper reformanda”.
Ян
ХХІІІ, распачынаючы працы сабору, адрозніў “змест старажытнага навучання, як асновы
веры, ад формы, знешняга аблічча, якое ўвесь час зменяецца ў адпаведнасці з жыццём”.
Сапраўднай рэформай для Касцёла з’яўляецца пошук раўнавагі паміж тым, што можа і павінна
мяняцца і тым, што нязменнае; між навізной і тым, што бярэцца за аснову і перадаецца,
трывае заўсёды.
Папа казаў: “прашу, каб саборнае аднаўленне палягала на поўным
евангельскім радыкалізме і ўплывала, праз дзейнасць Касцёла, на існаванне, мову, працу
для поўнай евангельскай службы свету”.
Сутнасць рэформы паводле айцоў сабору:
радыкалізм веры ў службе свету, які змяняецца.
На жаль, у некаторых касцёльных
колах рэформа была зразуметая памылкова і абмежавалася толькі да спрашчэння і прыстасавальніцтва.
Ёзэф Ратцынгер нават казаў пра «размыццё веры».
Калі мы звяртаемся да дакументаў
ІІ Ватыканскага сабору ў пошуку сутнасці, бачым, што ён не даў накірунку на зручны
і спрошчаны каталіцызм, а наадварот, паказаў, як жыць яшчэ глыбейшай каталіцкай верай.