Papa do të vizitojë Bibliotekën e restauruar të Vatikanit
(10.11.2010 RV)Më 18 dhjetor, Papa Benedikti XVI do të vizitojë Bibliotekën
Apostolike të Vatikanit, pas restaurimit. Lajmin e dha dje, prefekti i saj, imzot
Çezare Pazini, gjatë paraqitjes së ekspozitës dhe konferencës, organizuar me rastin
e rihapjes së Bibliotekës për publikun. Kujtojmë se ky institucion i rëndësishëm,
ku ruhen mijëra libra e dorëshkrime tejet të rëndësishme për historinë e njerëzimit,
i hapi dyert sërish më 20 shtator. Çdo vit, aty punojnë rreth 20 mijë studiues.