Եկեղեցական Ընտանիքներու Քարտուղարներու Տարեկան Ժողով:
Անոր կը Մասնակցի նաեւ՝ Մեծի Տանն Կիլիկիոյ Կաթողիկոսութիւնը։ Եկեղեցիներու
Համաշխարհային Խորհուրդի Ժընեւի կեդրոնատեղիին մէջ, 1-4 Նոյեմբեր 2010, գումարուեցաւ
եկեղեցական ընտանիքներու քարտուղարներու տարեկան ժողովը, որուն մասնակցեցաւ Գերշ. Տ.
Նարեկ Արք. Ալեէմէզեան (Վարիչ Միջ-եկեղեցական Յարաբերութիւններու): Ժողովին մասնակից
Յոյն Ուղղափառ, Ռուս Ուղղափառ, Հռոմի Կաթողիկէ, Անկլիքան, Լուտերական, Բարեկարգեալ, Մկրտչական,
Մեթոտիսթ, Բողոքական եւ Ազատ եկեղեցական գլխաւոր ընտանիքներէ երեսուն ժողովականներ քննարկեցին
միջ-եկեղեցական եւ ներ-եկեղեցական յարաբերութիւններուն առնչուած հիմնական հարցեր եւ համաքրիստոնէական
հրամայականներ: Նարեկ Սրբազան իր զեկոյցին մէջ անդրադարձաւ ընդհանրապէս Արեւելեան
Ուղղափառ Եկեղեցիներու Ընտանիքին աստուածաբանական պաշտօնական երկխօսութիւններուն եւ մասնաւորաբար
Մեծի Տանն Կիլիկիոյ Կաթողիկոսութեան միջ-եկեղեցական ու միջ-կրօնական յարաբերութիւններու
գլխաւոր երեսներուն: Ժողովի օրերուն, Նարեկ Սրբազան նաեւ հանդիպումներ ունեցաւ Եկեղեցիներու
Համաշխարհային Խորհուրդի զանազան պատասխանատուներուն հետ: