Bashkimi Evropian: Nuk do të ketë më viza për Shqipërinë dhe Bosnjën
(08.11.2010 RV)Shqiptarë e boshnjakë do të mund të hyjnë në vendet e Bashkimit
Evropian, që bëjnë pjesë në zonën Shengen, pa viza. Vendimi i shumëpritur u mor njëzëri
sot, nga Këshilli i ministrave të brendshëm të Evropës. Të vlefshme për qarkullim
janë vetëm pasaportat biometrike. Nga ana e tij, Komisioni evropian mori përsipër
të kontrollojë flukset e emigracionit nga këto dy vende ballkanike drejt Bashkimit
Evropian. Vendimi do të bëhet operativ në fund të dhjetorit.