Պարչելլոնա - ճամբոնցի ճարտարապետ Էդսուրօ Սոդու կաթողիկէ դարձաւ տաշելով Լա Սակրատա
ֆամիլիա եկեղեցւոյ քարերը։ Հոն ուր ճարտարապետ Կաուտի կը նայէր, եւ եւս պէտք էր նայիլ։
ճաբոնցի ճարտարապետ, քանդակագործ Էդսուրօ Սոդու` գլխաւոր դերակատարներէն ու պատասխանատուներէն
մին Պարչելոնայի Լա Սակրատա ֆամիլիա եկեղեցւոյ շինարարութեան աւարտումին` եղած է հետեւորդ՝
հանճարեղ Antoni Plàcid Guillem Gaudí ի եւ տաշելով՝ Լա Սակրատա ֆամիլիա եկեղեցւոյ քարերը
քրիստոնէական հաւատքը ընդգրկած է։ Ան ծնած է 1953ին Ճաբոնի ֆուքուոքա վայրը, նախ
հետեւած է Քիոթօյի համալսարանի մէջ գեղարուեստի դասընթացքներուն, ապա ներքին կոչ մը
զինք մղած է Եւրոպա երթալու։ 1978ին կը հաստատուի Պարչելոնա ուր իմացած է Լա Սակրատա
ֆամիլիա եկեղեցւոյ մասին, ֆրանսական ՜՜Լա Գրուա՝՝ օրաթերթին հետ ունեցած՝ ելոյթին ընթացքին
ըսած է. ՜՜գացի եւ անով հրապուրուեցայ՝՝։ 30 տարիէ ի վեր ճամբոնցի ճարտարապետ Սոդուն
հոն կ'աշխատի դառնալով գլխաւոր գանդակագործ-ճարտարապետներէն մէկը։ Ան մեծ հիացում ունեցած
է ճարտարապետ Կաուտիի վրայ, որուն երանացման դատը սկսած է 9 յուլիս 2003ին։ Ուսումնասիրած
է անոր կեանքն ու գրութիւնները խորապէս ճանչնալու անոր հոգեւոր կեանքը։ ՜՜Իմ աշխատանքի
իմաստը հետզհետէ փոխուեցաւ` Կաուտիի հոգեւորութեան մէջ մտայ եւ քրիստոնեայ դարձայ>> յայտարարած
է Սոդու։ 1998-ին կը մկտրուի ունենալով որպէս կնքահայր Լա Սակրատա ֆամիլիայի Ալմուզարա
կաթողիկէ ճարտարապետը։ Նոյնպէս իր կողակիցը դաշնակահարուհի Հիզաքո Հիզեքի եւ իր դուստրը
, իրենց կարգին ամենայն ազատութեամբ ուզեցին քրիստոնէութեան հաւատքը ընդգրկել։ Նշենք
թէ ճաբոնցի ճարտարապետ Էդսուրօ Սոդու շատ ճանչցուած է Ճաբոնի մէջ։ Ան յղացած է ֆուքուոքա
քաղաքին մէջ Մացուզաքի գեղարուեստի թանգարանը եւ հինգ տարրերու հաստատութիւնը։ Ըլլալով
հանրածանօթ անձնաւորութիւն մը, կը կանչուի աշխարհի զանազան երկիրներէն, բանախօսելու Լա
Սակրատա ֆամիլիայի եւ Անթոնի Կաուտիի մասին։