Պենետիկտոս ԺԶ Սրբազան Քահանայյապետին Գործունէութիւնը։

Ուրբաթ 5 նոյեմբեր 2010-ին, Պենետիկտոս ԺԶ Քահանայապետը ընդունեց Պրազիլի եպիսկոպոսաց Համահաւաք դասի խումբ մը վիճակաւորներ եկած՝ կատարելու հնգամեայ կանոնական այցելութիւնը Սուրբ Պետրոսի յաջորդին։

Պրազիլի Կաթողիկէ եկեղեցւոյ համահաւաք դասը կազմուած է 17 եկեղեցական գաւառներէ եւ այս տարեշրջանի ընթացքին (2010/2011-ին) նախատեսուած է հնգամեայ կանոնական այցելութիւնը Սուրբ Պետրոսի յաջորդին։

Նշենք որ Պրազիլի եկեղեցւոյ Համահաւաք դասը կը կազմէ Կաթողիկէ Եկեղեցւոյ թիւով աշխարհի մեծագոյն նուիրապետութիւնը



Վաղը Պրազիլի Բորկօ Ալլէկրէ-ի մէջ, տեղի պիտի ունենայ Աստուծոյ Աղախին ՜՜Սուրբ Երրորդութեան՝՝ Միաբանութենէն՝ Մայր Մարիա Պարպարայի Երանելիութեան արարողութիւնը, նախագահութեամբ Պենետիկտոս ԺԶ Սրբազան քահանայապետի ներկայացուցիչ՝ Քահանայապետական Սուրբերու դատի Ժողովի նախագահ Արքեպիսկոպոս Անճէլօ Ամաթոյի։