Аб адкрытым асуджэнні
дыскрымінацыі просяць Прэзідэнта ЗША Барака Абаму індыйскія хрысціяне. Яны звярнуліся
да яго ў сувязі з візітам амерыканскага лідэра ў Індыю, які пачынаецца ў суботу, 6
лістапада. Хрысціяне просяць Абаму, каб падчас сутрэч з кіраўніцтвам дзяржавы і парламентам
краіны сказаць адкрыта аб прынцыпах гармоніі і талерантнасці, а таксама звярнуць увагу
на рэлігійную свабоду, гарантаваную канстытуцыяй краіны. “Дзяржава павінна спыніць
фанатызм радыкальных індуістаў”,- сказаў журналістам арцыбіскуп Рафаэль Чынат.
У
звароце індыйскіх хрысціянаў да Прэзідэнта ЗША ўказваецца на неабходнасць абараняць
прынцыпы свабоды сумлення. Нагадваецца таксама аб гвалтоўных атаках супраць вернікаў
рэгіёну Арыссы і іншых штатаў Індыі.
Напрыканцы свайго звароту мясцовыя хрысціяне
падкрэсліваюць, што падчас эканамічнага пад'ёму, які перажывае Індыя, неабходна прымаць
меры, каб не павялічвалася розніца паміж беднымі і багатымі, а наадварот, пачала пашырацца
сацыяльная справядлівасць.