Simpozium i Pendestarisë kushtuar Sakramentit të rrëfimit: histori e praktikë
(05.11.2010 RV)Në Romë vijojnë punimet e një simpoziumi ndërkombëtar, organizuar
nga Pendestaria Apostolike me temë: “Pendesa ndërmjet Mijëveçarit I e II”. Qëllimi
i takimit është thellimi i studimit të historisë dhe praktikës kishtare të Sakramentit
të Pajtimit me Zotin, që njihet si Sakramenti i Rrëfimit.Gjatë takimit u theksua se
ky Sakrament është në krizë e se besimtarët nuk e kanë më në qendër të vëmendjes.
Kjo krizë është, dukshëm, pasojë e relativizmit, që çon në humbjen e kuptimit të mëkatit.
Ati i Shenjtë na kujton se sot ka humbur kuptimi i mëkatit, por jo pasojat e tij.
Mëkatari vijon t’i vuajë thellësisht pasojat e fajit. E kjo, sepse ndërgjegjja e
njeriut në përgjithësi, nuk mund të jetë subjektive, nuk mund të mos përkojë me parimet
morale. Aq më tepër kur bëhet fjalë për besimtarin, i cili duhet të jetë gjithnjë
në përkim me parimet që propozon Kisha.