Հայկական Պատարագներ Վալենսիոյ Կաթողիկէ Եկեղեցիներուն Մէջ

ՎԱԼԵՆՍԻԱ (Սպանիա).- Վերջերս, Սպանիոյ հայաշատ շրջաններու կաթողիկէ եկեղեցիներուն մէջ սկսած են հայկական պատարագներ մատուցուի:
Քաթալոնիոյ Գալոնժէ շրջանին մէջ հաստատուած՝ Սպանիոյ եւ Փորթուկալի թեմերու հայրապետական պատուիրակ Սասուն Ծ. վրդ. Զմրուխտեանի համար, այս եւ այլ կազմակերպչական խնդիրներու առկայութեան լոյսին տակ, բնաւ դիւրին չէ կատարել ամէնօրեայ ծառայութիւն: Այնուհանդերձ, ամսուան չորս Կիրակիները բաժնելով սպանական այն քաղաքներուն վրայ, ուր այժմեան դրութեամբ բազմաթիւ հայ ընտանիքներ կ՛ապրին, հոգեւոր հայրը հնարաւոր դարձուցած է պատարագ մատուցել հաւատացեալներուն, իրենց բնակութեան վայրին մէջ:
Առ այդ, ամսուան առաջին Կիրակի օրը ան կը գտնուի Պարսելոնա, երկրորդը՝ Վալենսիա, երրորդը՝ Մատրիտ, իսկ չորորդը՝ Ալիքանթէ: Նշուած բոլոր վայրերուն մէջ պատարագները կը մատուցուին կաթողիկէ եկեղեցիներու մէջ: