20 vjetori i Meshës kremtue në varreza të Shkodrës që shënoi rënien e regjimit komunist
në Shqipëri.
Kryedioqeza e Shkodrës përkujton 20 vjetorin e kremtimit të Meshës që shënoi rënien
e regjimit komunist në Shqipëri dhe rifitimin e lirisë e të demokracisë. Më 4 nëntor
1990 prifti shkodran dom Simon Jubani i nxitur prej të rinjve shkodranë shkoi në varrezat
e Rrmajt për të kremtuar për herë të parë Meshën e Shenjtë, që kur në Shqipëri sundonte
diktatura komuniste e ateiste. Me këtë akt të shenjtë u përurua pranvera e të
drejtave njerëzore dhe demokracisë e u sanksionua rënia e dështimi i regjimit komunist. Për
përkujtimin e 20 vjetorit të Meshës së parë në varreza të Shkodrës, Kisha katolike
e qytetit ka organizuar disa nisma me karakter fetare, kulturor e shoqëror. Sot më
3 nëntor në Kishën e Motrave Stigmatine në Shkodër mbahet “mbrëmja fetaro-kulturore”,
nesër paradite më 4 nëntor, pikërisht në varreza të Rrmajit do të kremtohet Mesha
e Shenjtë nga kryeipeshkvi i Vendit imzot Massafra me pjesëmarrje të Nuncit Apostolik
në Shqipëri, imzot Ramires, ndërsa pas dite do të përurohet ekspozita fotografike
mbi historikun e Meshës së parë që shënoi kthesën historike për Shqipërinë. Më
hollësisht nga Shkodra të ndjekim shërbimin e Jolanda Babës......