Італьянскі публіцыст: Ян Павал ІІ быў Папам, які прамаўляў да ўсяго свету
Ян Павал ІІ быў “Папам-палякам,
які сапраўды прамаўляў да ўсяго свету”,- сцвердзіў італьянскі публіцыст Массімо Франко
ў грамадскім радыё RAI прадстаўляючы сваю апошнюю кнігу пад назвай: “Быў сабе раз
Ватыкан”.
Пастаянны палітычны каментатар газеты “Коррьерэ дэлля Сэра”, да якой
прыйшоў з каталіцкай гезеты “Аввэнірэ” выказаў меркаванне, што “крызіс Касцёла і Ватыкана
паглыбляе крызіс на Захадзе”. “Вы не можаце чакаць, што калі Касцёл знаходзіцца ў
бядзе, Захад лепш ад яго выйдзе з крызісу. Я думаю, што існуе вельмі цесная сувязь,
і як ні парадаксальна Касцёл мае глабальнае бачанне, чаго Еўропа не мае. Я ўпеўнены,
што за 50 гадоў не будзе такога Касцёла, які існуе сёння, але і Захад будзе зусім
іншым”,- піша італьянскі публіцыст.
Франко адзначыў, што “Касцёл з гонарам
цяпер паўтарае, што ёсць неактуальным” і выказаў перакананне, што “неактуальнасць
з’яўляецца вельмі глыбокім паняццем, і вельмі рызыкоўным”.
Публіцыст адзначыў
далей, што цяперашні Пантыфікат “лічыцца вельмі еўрацэнтрычным” і Папа Бэнэдыкт ХVI
лічыць”што перамога прыйдзе з Захаду, пераш за ўсё з Еўропы”. Ён дадаў, што “сведчыць
аб гэтым таксама імя, якое прыняў,- Бэнэдыкт”