Սրբազան Քահանայապետին Միջամտութիւնը ՜՜Ռոմանօ Կուարտինի՝՝ Կոչուած Հիմնարկութեան Գիտաժողովին` Ծիսական Ապրումը Միշտ Եղած Է Հոգեւոր Թէ Մարմնական։

Իր գրասենեակին մէջ ընդունելով Ռոմանօ Կուարտինի կոչուած հիմնարկութեան 70 ժողովականները, Պենետիկտոս ԺԶ Քահանայապետը յիշեցուց թէ Ռոմանօ Կուարտինի (1885-1968) իտալացի փիլիսոփան եւ աստուածաբանը, միշտ նկատած է թէ ծիսակատարութեան ապրումը միշտ եղած է հոգեւոր թէ մարմնական։

Սրբազան Հայրը մատնանշեց որ ծիսակատարութեան խորհրդանշական ծաւալը պէտք է ըմբռնել որպէս հոգեւոր եւ նիւթական տարրերու միութեան օրինակ։

Նշենք թէ Պենետիկտոս ԺԶ Քահանայապետը մեծապէս ներշնչուած ու ազդուած է Ռոմանօ Կուարտինիի մտածողութենէն, մասնաւորապէս այն ինչ որ կը հայի ծիսակատարութեան։

Սրբազան Հօր համար, ծէսը իր գեղեցկութեամբ ու հարստութեամբ կը ցոլացնէ եկեղեցւոյ ներփակ ապրումը ու քրիստոնէական կեանքը։