സുനാമി ദുരന്തത്തില്‍
സഹായഹസ്തങ്ങള്‍
29 ഒക്ടോബര്‍ 2010
ഇന്‍റൊനേഷ്യയുടെ ദുരന്തഭൂമിയിലേയ്ക്ക് unicef-ന്‍റെയും caritas-ന്‍റെയും സഹായമെത്തി. ഒക്ടോബര്‍ 27-ാം തിയതി ഇന്‍റൊനേഷ്യായിലും പരിസരത്തുമുണ്ടായ സുനാമിയുടെയും അഗ്നിപര്‍വ്വത സ്പോടനത്തിന്‍റെയും ദുരന്തങ്ങളില്‍ കഴിയുന്നവര്‍ക്ക് 28-ാം തിയതി വ്യാഴാഴ്ച 4500 കുടുംബങ്ങള്‍ക്കാവശ്യമായ ഭക്ഷണ പാക്കറ്റുകളും, മരുന്നും, മലേറിയാപോലുള്ള രോഗങ്ങളില്‍നിന്നു രക്ഷപെടുന്നതിന് കൊതുകവലകളുമയി unicef-ഉം പശ്ചിമ സുമാത്രാ ദ്വീപില്‍ പ്രവര്‍ത്തനമാരംഭിച്ചു. ഇന്‍റൊനേഷ്യയുടെ ആരോഗ്യവകുപ്പുമായി സഹകരിച്ച് മാതൃ-ശിശുസംരക്ഷണ പദ്ധതികളും മെറാപി, സുമാത്രാ ദുരന്ത-പ്രദേശങ്ങളില്‍ നടപ്പിലാക്കുമെന്ന് unicef-ന്‍റെ വക്താവ് വ്യക്തമാക്കി. ഇതിനിടെ, പാര്‍പ്പിടം, വസ്ത്രം, ഭക്ഷണം, മരുന്ന് എന്നിവയുമായെത്തിയ കാരിത്താസ് ഇത്താലിയയുടെ ആദ്യ കപ്പല്‍, പദാങ്ങ്, മൊന്താവായ് പ്രവിശ്യകളില്‍ പ്രവര്‍ത്തനങ്ങള്‍ കാര്യക്ഷമമായി തുടരുമ്പോള്‍, അവരുടെ രണ്ടാമത്തെ കപ്പല്‍ ആവശ്യസാമഗ്രികളുമായി റോമില്‍ തയ്യാറെടുക്കുകയാണെന്നും കാരിത്താസിന്‍റെ വക്താവ് അറിയിച്ചു.
| All the contents on this site are copyrighted ©. |