ക്രൈസ്തവ
പീഡനസംഭവങ്ങള്‍ വീണ്ടും
28 ഒക്ടോബ്‍ 2010
ഇന്ത്യയില്‍ വീണ്ടും പലയിടങ്ങളിലും ക്രൈസ്തവ പീഡനസംഭവങ്ങള്‍.
ക്രൈസ്തവ സ്ഥാപനങ്ങളില്‍ നിര്‍ബന്ധിത മതപരിവര്‍ത്തനം നടത്തപ്പെടുന്നു എന്ന ആരോപണവുമായിട്ടാണ് ഇന്ത്യയില്‍ കര്‍ണ്ണാട, ജമ്മു കാശ്മീര്‍ എന്നിവിടങ്ങളില്‍ പുതിയ ക്രൈസ്തവ പീഡനസംഭവങ്ങള്‍ ഉണ്ടായത്.
ഒക്ടോബര്‍ 24-ാം തിയതി ബാംഗളൂരില്‍ വൈറ്റ് ഫീല്‍ഡിലെ ഹോളി ക്രോസ് സ്കൂളിലെ ഒരു കത്തോലിക്കാ അദ്ധ്യപകനെയാണ് സ്കൂള്‍ ഓഫീസില്‍ ബന്ധിയാക്കി ഹിന്ദുമത തീവ്രവാദികള്‍ സംഘംചേര്‍ന്ന് പീഡിപ്പിച്ചത്.
കര്‍ണ്ണാടകയിലെ ചിത്രദുര്‍ഗ്ഗായിലും ഒരു ക്രിസ്ത്യന്‍ പാസ്റ്റര്‍ മര്‍ദ്ദനങ്ങള്‍ക്ക് വിധേയനായ സംഭവം മാധ്യമങ്ങള്‍ പ്രസിദ്ധപ്പെടുത്തിയിട്ടുണ്ട്.
ഒക്ടോബര്‍ 23-ാം തിയതി ജമ്മു കഷ്മീരില്‍ സമൂഹ്യരംഗത്തു പ്രവര്‍ത്തിക്കുന്ന, സുനേഹാരാ കല്‍, Golden Future എന്ന സന്നദ്ധസംഘടനാംഗങ്ങളാണ് മതമൗലിക വാദികളുടെ അധിക്രമങ്ങള്‍ക്കിരയായ മറ്റൊരു സംഘം. പ്രതിയോഗികള്‍ക്കു നേരെ നടപടികള്‍ എടുക്കുന്നതില്‍ സര്‍ക്കാരിന്‍റെ ഭാഗത്തുനിന്നും കാണിക്കുന്ന അലംഭാവം ആശങ്കയുണര്‍ത്തുന്നതാണെന്ന്, സഭാവൃത്തങ്ങള്‍ വെളിപ്പെടുത്തി.
| All the contents on this site are copyrighted ©. |