У Швейцарыі аб’яўлены Нацыянальны дзень малітвы аб хрысціянах ахвярах рэлігійных пераследаў
і дыскрымінацыі
Гэта адказ на кампанію,
якая мае на мэце выдаліць усе рэлігійныя сімвалы са школ Швейцарыі, арганізаваную
так званымі “свабоднымі мыслярамі”.
Розныя акцыі пройдуць з 29 кастрычніка
па 1 лістапада. Прэзідэнт Швейцарскай біскупскай канферэнцыі біскуп Норберт Брунэр
сказаў, што “забарона на змяшчэнне распяцця і іншых хрысціянскіх сімвалаў ў грамадскіх
месцах з'яўляецца нападам на свабоду рэлігіі і сумлення з боку абмежаванай групы
людзей. "
Два выпадкі выклікалi гарачыя дыскусіі ў апошнія тыдні. Першы адбыўся
ў Трыенгене (кантон Люцэрна), дзе ўлады знялі са сцяны ў школе крыж на просьбу аднаго
з бацькоў. А ў Сталдэне (кантону Вале) адзін з настаўнікаў быў звольнены, таму што
вярнуў на сваё месца распяцце, сарванае групай вучняў.
Нацыянальны дзень малітвы
за хрысціян ахвяраў рэлігійнай дыскрымінацыі і пераследу адбываецца ўжо чацвёрты раз.
Па дадзеных Арганізацыі “Дапамога Царкве ў патрэбе”, амаль 200 мільёнаў чалавек жывуць
у рэгіёнах, дзе не выконваецца адно з асноўных правоў чалавека – на свабоду веравызнання.
У інтэнцыі тых, якія падвяргаюцца пераследу за сваю веру, швейцарскія хрысціяне ў
гэтыя дні запаляць “Свечку надзеі".