Новы еўрапейскі план па прадухіленні прыродных катастроф
У плане Еўрасаюза
прапануецца новая стратэгія на 2-х узроўнях: узмоцніць існуючыя структуры дапамогі
народам Еўропы ў надзвычайных сітуацыях прыродных катаклізмаў і стварыць новы Еўрапейскі
Цэнтр для хуткаснага рэагавання на надзвычайныя небяспечныя сітуацыі ў свеце.
Гэта
будзе як бы “платформа” найхутчэйшага абмену інфармацыяй, арганізацыйны вузел ЕС.
Такім чынам узрасце эфектыўнасць хуткага рэагавання пры арганізацыі мерапрыемстваў
ратавання на ранніх стадыях катастроф ў глабальным маштабе.
Як паясніла журналістам
Камісар па крызісных сітуацыях ЕС Крысталіна Георгіева, з 1975 году колькасць катастроф
на Зямлі павялічылася ў 5 разоў. Кожная гадзіна важная для выратавання людзей і каштоўнасцяў.
Таму Еўрасаюзу неабходна сістэма, якая будзе гарантаваць хуткае рэагаванне круглыя
суткі круглы год, для кантролю над усёй тэрыторыяй кантыненту, маніторынгу рызыкі
і каардынацыі з іншымі тэрыторыямі.