Më 31 tetor, në Shën Athanas, Meshë për shpirtin e Mons. Eleuterio Fortinos
(26.10.2010 RV)Të dielën e ardhshme, më 31 tetor 2010, në Kishën katolike të
ritit grek, kushtuar Shën Athanasit, në Via del Babuino, 149, Romë, do të kremtohet
Liturgjia Hyjnore si dhe një Trisaghion (Lutje për të vdekurit), në kujtim të arkimandritit
Eleuterio Françesko Fortino, 40 ditë pasi ndërroi jetë. Ditën e fundit të tetorit,
kufi simbolik, që ndan muajin e Rruzares nga muaji kushtuar të vdekurve si dhe përkujtimit
të Pavarësisë së Shqipërisë, emri i paharrueshëm i Monsinjor Fortinos i fton përsëri
shqiptarët të mblidhen për t’u lutur për shpirtin e tij. E lutja nuk mund të mos
shoqërohet me kujtimet e rrugës së gjatë të fesë e të atdhedashurisë, që përshkuan
me Meshtarin, pikërisht përbri kësaj Kishe, ku 40 ditë më parë i dhanë lamtumirën
e fundit. I përjeshtëm qoftë kujtimi i Tij e i denjë për Lumturitë qiellore. Pushoftë
në paqe!