Папа прыпамінае, што місіяю Касцёла ёсць евангелізацыя і навучанне.
Пры ўдзеле вялікай
колькасці пілігрымаў з усіх кантынентаў, якія прыбылі таксама на закрыццё Сіноду Біскупаў
для Блізкага Усходу, адбылася сёння, ў нядзелю 24 кастрычніка, багародзічная малітва
“Анёл Панскі” на Плошчы Святога Пятра. Перад ёй Папа звярнуўся да сабраных са сваім
словам:
Дарагія браы і сёстры.
Урачыстай Святой Імшой адслужанай ў першай
палове дня ў Базыліцы Святога Пятра, завершылася Спецыяльная Асамблея Сіноду Біскупаў
для Блізкага Усходу на тэму: “Каталіцкі Касцёл на Блізкім Усходзе: адзінства і сведчанне”.
Сёння таксама адзначаецца Сусветны дзень місій пад дэвізам: “Ключом місіі з’яўляецца
будаванне касцельнай еднасці”. Дзіўнае падабенства паміж тэмамі гэтых двух касцельных
падзей. Абедзьве запрашаюць глядзень на Касцёл як таямніцу паяднання, якая па сваёй
прыродзе ёсць прызначана для чалавека і ўсіх людзей. Слуга Божы Папа Павел VI сказаў:
“Касцёл існуе для евангелізацыі, гэта значыць, каб прапаведваць і навучаць Слова Божае,
каб праз яго даходзіў да нас дар ласкі, каб грэшнікі прыміраліся з Богам, і каб урэшце
безупынна ўвекавечыць ахвяру Хрыста ў Святой Імшы, якая з’яўляецца ўспамінам Яго смерці
і слаўнага Уваскрасенні”. Дзеля гэтага наступная Генеральная Асамблея Сіноду Біскупаў
у 2012 годзе, будзе прысвечана тэме: “новая евангелізацыя для перадачы хрысціянскай
веры”. У кожным часе і ў кожным месцы,- нават і сёння на Блізкім Усходзе,- Касцёл
прысутны і працуе, каб сабраць усіх людзей і даць ім у Хрысце паўнату жыцця. Як напісаў
італьянска-нямецкі тэолаг Романо Гуардзіні: “Рэальнасць Касцёла абазначае ўсю паўнату
быць хрысціянінам, якая развіваецца ў гісторыі, насколькі ахоплівае яна паўначу чалавецтва,
якое ёсць у адносінах з Богам”.
Найсвятой Панне Марыі , якая атрымала ад
Укрыжаванага Езуса новую місію, каб быць Маці ўсіх тых, якія жадаюць верыць і наследаваць
Хрыста, даручым хрысціянскія супольнасці Блізкага Усходу і ўсіх місіянароў Евангелля.