Тайланд: кантынентальны кангрэс душпастырства дарог і вуліц
Словы з Евангелля
Святога Лукі: “Езус наблізіўся і ішоў з імі” былі лозунгам Кангрэса душпастырства
дарог і вуліц, які адбываўся 19-23 кастрычніка ў Бангкоку. Ён быў арганізаваны у сталіцы
Тайланда Папскай радай пастырства эмігрантаў і падарожнікаў пры супрацоўніцтве з Федэрацыяй
Канферэнцый Біскупаў Азіі. У ім прынялі ўдзел прадстаўнікі 18 краін Азіі і Акіяніі.
Гэта
ўжо трэцяя кантынентальная сустрэча прысвечаная душпастырству вуліц і дарог. Першая
адбылася два гады таму ў сталіцы Калумбіі Багаце. Другая, еўрапейская, у мінулым годзе
ў Рыме. На наступны год плануецца чацвёрты такі кангрэс для Афрыкі.
Тэмы кангрэсаў
тычацца такіх пытанняў, як этыка дарожнага руху і бяспечная язда, прастытуцыя і гандаль
людзьмі, дзеці вуліцы, бяздомныя людзі ігд.
Арганізатары цяперашняй сустрэчы
у Бангкоку нагадалі, што ў дарожных інцыдэнтах гіне кожны год ва ўсім свеце каля 1.3
мільёна чалавек, з якіх больш за палову (700 тысяч) у Азіі.