У Вечным Горадзе падыходзіць
да канца будаўніцтва касцёла св. Айца Піо з Петральчыны. За кошт чатырох мільёнаў
еўра на працягу трох гадоў быў пабудаваны новы храм, які зможа змясціць каля 900 асоб.
Сродкі масавай інфармацыі адзначаюць, што новая парафія зменіць выгляд аднаго
з найбольш занядбаных прыгараў Рыма, які размешчаны пры артэрыі, якая спалучае Рым
з морам. Раён горада, які мае не вельмі прывабную назву Маляфэдэ (што па-італьянску
азначае недобразычлівасць, дрэнныя намеры) мае нецікавую, хаатычную забудову і толькі
новы касцёл стане нейкай архітэктурнай адметнасцю, парушаючы мясцовую манатоннасць
і ананімнасць. Каментатары падкрэсліваюць, што такім чынам Касцёл зноў прычыніцца
да акультурання перыферыі Рыму, пра што не клапоцяцца мясцовыя ўлады.