Расія: католікі ў Смаленску патрабуюць звароту касцёла
Растуць шансы на зварот
забранага ў камуністычныя часы каталіцкага храма ў Смаленску. Зараз у ім знаходзіцца
архіў. Мясцовы губернатар Сяргей Антуф’еў сказаў, што вяртанне святыні можа стаць
магчымым ужо ў наступным годзе.
“Пасля заканчэння будаўніцтва новага будынка
архіва ў наступным годзе, мы будзем мець магчымасць абмеркаваць з польскім бокам праблему
аднаўлення каталіцкага храма ў Смаленску.” - сказаў губернатар пасля сустрэчы з мясцовымі
прадпрымальнікамі.
Касцёл у Смаленску быў пабудаваны пад канец ХІХ стагоддзя
на ахвяраванні парафіянаў у нэагатычным стылі па праекце архітэктара Мэйшэра. Быў
зачынены ў трыццатыя гады ХХ стагоддзя і дагэтуль не аддадзены вернікам.