Papa Racinger i rekomandon shoqërisë rumune integritet, ndershmëri dhe drejtësi, në
20-vjetorin e kthimit të demokracisë.
(21.10.2010 RV)Integritet, ndershmëri dhe drejtësi: këto janë tri virtytet
themelore për të drejtuar si duhet shoqërinë e sotme tepër të ndërlikuar që Papa ua
rekomandoj rumunëve në fjalimin mbajtur gjatë audiencës rezervuar sot për paraqitjen
e letrave kredenciale ambasadorit të ri të Rumanisë pranë Selisë së Shenjtë Bogdan
Tataru – Kazaban. 20 vjet më parë, kujtoi Benedikti XVI “Rumania vendosi të shkruaj
një faqe të re të historisë së vet. “Po shumë vite jetë nën zgjedhën e një ideologjie
totalitariste lënë plagë të thella në mendësinë, në jetën politike-ekonomike dhe të
individëve”. Por pas kohës së euforisë dhe të lirisë, Rumania “u impenjua me vendosmëri
– theksoi Papa Benedikti XVI – në procesin e rindërtimit dhe të shërimit të plagëve,”
dhe “hyrja e saj në Bashkimin Evropian shënoi një etapë të rëndësishme në kërkimin
e demokratizimit të vërtetë.” Sidoqoftë, tani “duhet të vazhdohet në thellësi me këtë
përtëritje. Sfidat e reja për t’u përballuar janë të shumta.” në mënyrë që shoqëria
rumune të mos bazohet katërcipërisht vetëm tek kërkimi i mirëqenies dhe tek joshja
e fitimit, pasojë kjo e kuptueshme pas një periudhe 40-vjeçare varfërie.” Këndej edhe
thirrja që “integriteti, ndershmëria dhe drejtësia” të mbizotërojnë në të gjitha fushat
e shoqërisë rumune, duke dhënë kështu një “ndihmesë efikase në rilindjen e indit politik,
ekonomik dhe shoqëror në botën bashkëkohore gjithnjë e më të ndërlikuar.” – përfundoi
Papa Benedikti XVI.