Հայաստանի նախագահ Սերժ Սարգսեան երէկ հեռաձայնային հաղորդակցութիւն մը ունեցաւ Ռուսիոյ
վարչապետ Վլատիմիր Փութինի հետ։
Այս առիթէն օգտուելով,Սերժ Սարգսեան անգամ մը եւս շնորհաւորած է Վլատիմիր Փութինը, ծննդեան
տարեդարձին առիթով եւ յաջողութիւն մաղթած է Ռուսիոյ տնտեսութեան վերելքին ուղղութեամբ
կատարուող լայնածաւալ նախաձեռնութիւններուն համար, համոզում յայտնելով, որ բարեկամ Ռուսիոյ
տնտեսական հզօրացումը նաեւ զարգացման լուրջ ազդակ է Հայաստանի տնտեսութեան համար(կը նշուի
Հայաստանի նախագահի մամլոյ գրասենեակին տարածած հաղորդագրութեան մէջ)։ Հայաստանի նախագահը
եւ Ռուսիոյ վարչապետը քննարկած են հայ-ռուսական համագործակցութեան օրակարգային խնդիրները։
Վլատիմիր Փութին 7 հոկտեմբերին նշեց իր ծննդեան 58-րդ տարեդարձը։