Прэзідэнт Італіі сустрэўся з дэлегацыяй Сіноду Біскупаў
У сераду 13 кастрычніка
дэлегацыя Сіноду Біскупаў для Блізкага Усходу прыбыла ў Палац Прэзідэнта Рэспублікі
Італія ў Рыме на сустрэчу з Прэзідэнтам Джорджо Напалітано. Звяртаючыся да дэлегацыі,
Прэзідэнт сказаў:
“Вы намагаецеся ў часе прац Сіноду аднавіць, адрадзіць
і ўмацаваць прысутнасць католікаў, і ў больш агульным сэнсе, хрысціянскіх супольнасцей
на Блізкім Усходзе. Гэтае заангажаванне, я перакананы, зможа значна павысіць рэлігійны
плюралізм, дыялог і мір у гэтым неспакойным рэгіёне свету. За апошні год я наведаў
розныя краіны гэтага рэгіёну,- сказаў Прэзідэнт Італіі да ватыканскай дэлегацыі. -У
Ерусаліме я сустрэўся як з ізраільскімі ўладамі з прадстаўнікамі Палестынскай Аўтаноміі,
таму што мы турбуемся аб міры ў гэтым рэгіёне, на які занадта доўга чакаюць ізраільскі
і палестынскі народы. Італія заўсёды працавала - і гэта было адметнай рысай італьянскай
замежнай палітыкі, нягледзячы на змены ўрадаў- у духу прыязні з Ізраілям і, ў той
самы час, у духу сапраўднай прыязні з абарскімі краінамі, каб пераадолець канфлікты
і дайсці да мірнага суіснавання і ўзаемнай павагі для Ізраільскай дзяржавы і незалежнай,
стабільнай і квітнеючай Палестынскай .”
“У Дамаску я сустрэў прадстаўнікоў
усіх канфесій Блізкага Усходу,- сказаў Прэзідэнт Напалітано,- былі і прадстаўнікі
мусульманскай і яўрэйскай супольнасцей. Думаю, што вялікая традыцыя дыялогу паміж
манатэістычнымі рэдлігіямі, які Каталіцкі Касцёл праводзіць з вялікім перакананнем,
у першую чаргу цяперашні Папа, гэта адзін са шляхоў да прымірэння паміж народамі”.