Біскупская Канфярэнцыя ЗША выбярэ новага прэзідэнта.

На сваёй восеньскай Асамблеі, якая пройдзе з 15 па 18 лістапада ў Балтыморы, амерыканскія біскупы правядуць выбары свайго новага старшыні. Сесію адкрые цяперашні Прэзідэнт UsCCB кардынал Фрэнсіс Джордж, арцыбіскуп Чыкагскі.
Працы будзе таксама ўзначальваць Апостальскі нунцый у Амерыцы монсіньёр Пьетра Самбі. Акрамя выбару новага прэзідэнта, на парадку прац Асамблеі будзе выбар таксама новых: віцэ-прэзідэнта, Генеральнага сакратара і скарбніка, да таго ж старшынь шасці Біскупскіх камісій.

Біскупская Канфярэнцыя ЗША павінна разгледзіць і зацвердзіць Пагадненне, падрыхтаванае Каталіцкімі біскупамі і чатырма Рэфармацкімі Цэрквамі аб узаемным прызнаванні Таямніцы Хросту.
Будзе зроблены разгляд прапановы камісіі «"Pro-Life" За жыццё» з выніковай заявай аб прадухіленні самагубстваў пры медыцынскай дапамозе.

Камісія прадставіць на галасаванне бюджэт на 2011 і на 2012 год, які прадугледжваецца павялічыць на 2%. Акрамя таго, біскупы запрасілі новага Рэктара Каталіцкага універсітэта Амерыкі прафесара Джона Гарвея і іншых экспертаў, каб ацанілі дзейнасць Каталіцкага Касцёла ў Амерыцы. У прыватнасці, як дапамаглі патрабуючым ў Гаіці пасля землятрусу , як дзейнічаюць для абароны шлюбу, як вядзецца падрыхтоўка да наступнага Сусветнага дня моладзі ў Мадрыдзе ў 2011 годзе. Асобным будзе пытанне аб карыстанні новымі інструмантамі сродкаў масавай інфармацыі ў Касцёле ЗША.