Republika Çeke: kryetari i ipeshkvijve flet për ratifikimin e traktatit ndërmjet Selisë
së Shenjtë e Shtetit.
(13.10.2010 Kryetari i Konferencës ipeshkvnore çeke (Cec), imzot Dominik Duka,
uron që të sqarohen plotësisht të gjitha çështjet, që kanë të bëjnë me marrëdhëniet
ndërmjet Kishës e Shtetit. E pohon këtë në një intervistë, dhënë agjensisë katolike
të shtypit KNA, në Berlin. Prelati pohon se po përgatitet ratifikimi i traktatit ndërmjet
Pragës e Selisë së Shenjtë, që nuk u realizua në vitin 2002. Imzot Duka sqaron edhe
se komisionet përgjegjëse po përfundojnë ngadalë sqarimet lidhur me çështjet që kanë
të bëjnë me të drejtat e pronësisë”. Ka ende vështirësi për të gjetur një model
të marrëdhënieve ndërmjet Kishës e Shtetit, shpjegoi kryeipeshkvi i Pragës. Prelati
ka përvojën e gjallë të 40 vjetëve të diktaturës, e cila bëri çmos ta largonte shoqërinë
nga Kisha. Komunistët, thekson kryeipeshkvi i Pragës, krijuan edhe një sërë paragjykimesh,
të cilat Kisha nuk është ende në gjendje t’i zhdukë plotësisht. Gjithsesi, shtoi,
kjo nuk do të thotë se marrëdhëniet Shtet-Kishë karakterizohen nga urrejtja ose nga
antiklerikalizmi. Kisha, përfundoi Imzot Duka, luan një rol domethënës në jetën e
vendit.