ֆրանսայի Նախագահ Նիքոլա Սարքոզիի Այցելութիւնը Վատիկան Եւ Հանդիպումը Պենետիկտոս ԺԶ
Սրբազան Քահանայապետին Հետ:
ֆրանսայի Նախագահ Նիքոլա Սարքոզիի Հանդիպումը Սրբազան Քահանայապետին Հետ Վատիկանի Մէջ , Աղօթք ֆրանսայի Համար Եւ Աշխատանքի Ճաշ ֆրանսական Դեսպանատան Մէջ Մասնակցութեամբ' Վատիկանի Բարձրաստիճան Եկեղեցականներու։
Ասիկա երկրորդ անգամն է որ ֆրանսայի նախագահը կ՝այցելէ Պենետիկտոս ԺԶ Քահանայապետին։ Նորին Սրբութիւնը իր գրասենեակին մէջ նախ առանձնաբար ընդունեց նախագահ Սարքոզի։ Հանդիպումը տեւեց 20 վայրկեան որմէ ետք տեղի ունեցաւ նախագահական շքախումբի ներկայացում, շուրջ 10 հոգի եւ նուէրներու փոխանակում։ Յայտնենք թէ նախագահ Սարքոզիի այս հանդիպումը Պենետիկտոս ԺԶ Քահանայապետին հետ երրորդն է ։
ֆրանսայի նախագահը ապա տեսակցութիւն ունեցաւ Ս. Աթոռի պետական քարտուղար կարտինալ Պերթոնէի եւ արտգործ նախարարա գերապայծառ Մամպերթիի հետ։ Այս հանդիպումներէն անմիջապէս ետք ֆրանսայի նախագահը եւ անոր շքախումբը Ս. Պետրոս տաճարին մէջ ներկայ գտնուեցան ծիսակատարութեան մը` ՜՜աղօթք վասն ֆրանսայի՝՝, զոր գլխաւորեց կարտինալ Ժան Լուի Թոռան` նախագահը միջկրօնական քահանայապետական խորհուրդին։
Հուսկ կէսօրին, ֆրանսայի դեսպանատան մէջ ճաշ մը սարքուեցաւ նախագահին ի պատիւ մասնակցութեամբ Վատիկանի բարձրաստիճան եկեղեցականներու։
Յայտնենք թէ նախագահ Սարքոզի ոչ մէկ հանդիպում ունեցաւ իտալական իշխանութիւններուն հետ։
| All the contents on this site are copyrighted ©. |