Ati i Shenjtë Benedikti XVI ka pranuar ftesën për të vizituar Akuilenë e Venedikun
më 7 e 8 maj të vitit të ardhshëm. Lajmin e dha sot Patriku i Venedikut , kardinali
Angjelo Skola, gjatë takimit tradicional që zhvillohet në fillim të çdo viti të ri
baritor me meshtarët e Patriarkanes në Bazilikën Katedrale të Shën Markut. “Kjo
dhuratë që Ati i Shenjtë i bën Patrikanës së Venedikut me vizitën e tij apostolike
– shpjegoi kardinali Skola – përkon me përfundimin e Vizitës Baritore në zhvillim
e sipër në Patrikanë që nga viti 2004”, si dhe i “përgjigjet edhe një tjetër kërkese
që doli në pah gjatë Vizitës Baritore në Patrikanë të Venedikut: kontributi që të
krishterët i ofrojnë të gjithë banorëve e të mysafirëve të Venedikut si ‘qytet i njerëzimit’
me tiparet e vlerat që e kanë karakterizuar gjithmonë, siç është liria dhe vlerat
tjera të patjetërsueshëm. Vizita baritore e Papës në Venedik do të bëhet 26 vjet
pas asaj të Gjon Palit II e gati 40 pas vizitës së Palit VI, e “në lidhje të ngushtë
me Piun X, Gjonin XXIII e Gjon Palin I, që të tre Patriarkë Papë të shekullit të kaluar”.