Духоўная семінарыя ў Гродне адзначыла 20-годдзе свайго існавання
5 кастырчніка ўрачыстае
адкрыццё новага навучальнага года і святая Імша былі галоўнымі пунктамі святкавання
20 годдзя Вышэйшай Духоўнай Семінарыі ў Гродне. Ва ўрачыстасці ўдзельнічалі біскупы
з Беларусі, выкладчыки, святары, законнікі і законніцы, семінарысты і прадстаўнікі
ўладаў. На працягу 20 гадоў семінарыя ў Гродне выпусціла 173 святароў, якія, акрамя
Беларусі, працуюць ў іншых краінах Усходняй Еўропы.
Усіх, якія прыбылі на ўрачыстасць,
прывітаў біскуп Гродзенскі Аляксандар Кашкевіч і рэктар семінарыі ксёндз Юзаф Станеўскі.
Мітрапаліт Мінска-Магілёўскі арцыбіскуп Тадэвуш Кандрусевіч зрабіў інаугурацыйны даклад
на тэму новай евангелізацыі. “У новую евангелізацыю павінны быць задзейнічаны ўсе,
біскупы, святары, законнікі і свецкія асобы”,- сказаў Мітрапаліт,- “як сказаў Папа
Павел VI: “сучасны свет мае большую патрэбу ў сведках, чым у настаўніках”.
Мітрапаліт
таксама ўзначаліў святую Імшу ў Гродзенскай катэдры. Абмяркоўваючы “дар і таямніцу”
святарства спаслаўся на словы Хрыста: “Ідзі за мной”. Арцыбіскуп Кандрусевіч нагадаў,
што Езус скіроўваў гэтыя словы таксама да маладых людзей ў Савецкім Саюзе. Напрыклад
на Беларусі католікі на працягу некалькіх дзесяткаў гадоў былі пазбаўленыя святароў.
Ён нагадаў, што набажэнствы ў Гродзенскай Катэдры адпраўляліся без святароў: у касцёле
поўным вернікаў, пры спеве чыталіся ўсе часткі святой Імшы, а на алтары вернікі запальвалі
свечкі і клалі арнат. Гэта было доказам таго, насколькі людзі патрабавалі святароў”,-
сказаў арцыбіскуп Кандрусевіч.
“Заснаванне семінарыі ў Гродне гэта вялікая
заслуга арцыбіскупа Тадэвуша Кандрусевіча,- сказаў біскуп Кашкевіч,- які як першы
каталіцкі біскуп у Беларусі пасля дзесяцігоддзяў камунізму вырашыў заснаваць семінарыю.
“Не было лёгка,- кажа сам Мітрапаліт,- але ўдзел у стварэнні семінарыі меў, без сумнення
Ян Павал ІІ”. “Пасля высвячэння мяне на біскупа ў 1989 годзе ў Ватыкане, Святы Айцец
падыйшоў да мяне,- ўспамінае арцыбіскуп,- і сказаў: “Тадэвуш не бойся, я малюся за
цябе”.
На сённяшні дзень у Семінарыі навучаецца 53 клерыкаў.