Engjëlli i Tënzot: Papa kujton devocionin marian të Siçilisë dhe të Lumen Ana Maria
Adorni
(04.10.2010 RV)Në Lutjen e djeshme të Engjëllit të Tënzot, Papa kujtoi devocionin
marian të Siçilisë dhe lumnimin në Parma të Italisë, të Ana Maria Adornit, dëshmitare
e dashurisë së Zotit ndër gratë e burgosura. Nënës së Hyjit, “shembull i jetës së
krishterë”, ua besoi të gjithë banorët e Siçilisë: “Përkrahtë familjet në dashuri
e në impenjimin edukativ; dhëntë fryte nga fara e thirrjes, që Zoti mbjell gjerësisht
tek të rinjtë; u dhëntë guxim në sprova, shpresë në vështirësi, gjallëri të re për
të bërë mirë. Zoja ngushëlloftë të sëmurët e të gjithë të vuajturit e, ndihmoftë bashkësitë
e krishtera, që askush të mos mbetet mënjanë e në nevojë, por secili, sidomos më të
vegjlit e më të dobtit, të dëgjohen e të vlerësohen”.