Інтранізацыя новага кіраўніка Сербскай Праваслаўнай Царквы
Цырымонія
інтранізацыі новага Патрыярха Сербскай Праваслаўнай Царквы Ірынея І адбылася сёння
ў кляштары Пэч, у Косаве. На ёй прысутнічалі каталіцкія дэлегацыі са Славеніі, Харватыі,
Босніі-Герцагавіны і іншых краін. Патрыярх Сербіі з’яўляецца адначасова арцыбіскупам
Пэча і Мітрапалітам Бэлградска-Карлавіцкім і пад яго юрысдыкцыяй знаходзіцца патрыяршы
манастыр у Пэчы, які быў пабудаваны на пераломе ХІІІ-ХІV стагоддзяў і быў сядзібай
арцыбіскупа і Патрыярха Сербіі ў гадах 1253-1776. Патрыярху Ірынею 80 гадоў. Ён быў
абраны кіраўніком Праваслаўнай Царквы Сербіі 22 студзеня 2010 года, пасля смерці Патрыярха
Паўла.
За некалькі дзён да інтранізацыі Патрыярх здзейсніў візіт у Аўстрыю-
першы пастырскі візіт у якасці новага Патрыярха- з нагоды 150 гадавіны заснавання
сербскай праваслаўнай супольнасці ў Вене.