"Яшчэ шмат трэба
зрабіць для выкаранення розных формаў гвалту". Пра гэта пішуць напярэдадні візіта
папы Бэнедыкта XVI у Палерма, які адбудзецца ў гэту нядзелю, каталіцкія выкладчыкі,
што працуюць на Сіцыліі. Папа прыбудзе сюды з пастырскім візітам у сувязі з рэгіянальнай
сустрэчай сем'яў і моладзі.
У сваім лісце хрысціянскія настаўнікі самай
паўночнай часткі Еўропы, якія цяпер адзначаюць 65-годдзе сваёй асацыяцыі, сцвярджаюць,
што яны "удзельнічаюць ў справе гуманістычнай адукацыі, да якой пастаянна заклікае
ўсіх Бэнэдыкт XVI”. Далей яны кажуць: “У нашых сэрцах працягвае гучаць рэхам заклік
папы Яна Паўла II у Агрыджэнта скіраваны супраць мафіі, да якога далучыліся Вы, кажучы,
каб члены гэтай жудаснай арганізацыі навярнуліся і змянілі сваё жыццё"
"Тут,
на нашай цудоўнай зямлі Сіцыліі, багатай на спадчыну, яшчэ шмат чаго трэба зрабіць
у галіне адукацыі і выхавання, каб быць годнымі пераймальнікамі ганаровых традыцый
і каб будаваць лепшае грамадства - чалавечую супольнасць, якая б у цэнтры ўвагі змяшчала
чалавечую асобу і давала кожнаму перспектывы грамадзянскага росту. Каб забеспячыць
лепшую будучыню маладому пакаленню, якому навязваюцца ілжывыя каштоўнасці. Моладзь
часта разгубленая і прыніжаная беспрацоўем.”
"Ваша Святасць можа разлічваць
на нас,- пішуць у заключэнне свайго прывітання да Папы напярэдадні яго візіту сіцылійскія
выкладчыкі. - Гэта маленькі ўнёсак, але мы – з Вамі, і чакаем Вас з вялікай любоўю”.