Պենետիկտոս ԺԶ Սրբազան Քահանայապետին Գործունէութիւնը
Հինգշաբթի 30 սեպտեմբերին, Պենետիկտոս ԺԶ Քահանայապետը յաջորդաբար ընդունեց.
- Կարտինալ Իվան Տիազ` կառավարիչը ժողովուրդներու աւետարանութեան,
- Կարտինալ Սթանիսլաու Ռիլքօ` նախագահը աշխարհականներու քահանայապետական խորհուրդին։
Ապա Նորին Սրբութիւնը ընդունեց Փրոֆեսոր Անտրէա Ռիգարտի` հիմնադիրը Սան Էճիտիօ կոչուած հասարակութեան, անոր ընկերացած է գերապայծառ Բալիա` առաջնորդը Իտալիոյ Թերնի թեմին։
Նշենք թէ Սրբազան Հայրը երեկոյեան ժամը 5-ին ինքնաթիռով վերջնականապէս Վատիկան վերադարձաւ։
Նախապէս Սրբազան Հայրը ընդունելով Գասդել կանտոլֆօ` քահանայապետական ամարանոցի անձնակազմը, շնորհակալութիւն յայտնեց անոնց մատուցած ծառայութիւններուն համար։
Սրբազան Հայրը հրաւիրեց զանոնք ապրելու՝ Աստուծոյ խօսքը, ընդգծելով անհրաժեշտութիւնը՝ որ ՜՜ամէն քրիստոնեայ շփման մէջ մնայ ու երկխօսութիւն հաստատէ Տիրոջ հետ՝՝։
| All the contents on this site are copyrighted ©. |