ЗША: Касцёл падтрымаў папскую ініцыятыву малітвы за жыццё ненароджаных
Да пастаяннага давання сведчання аб каштоўнасці і годнасці чалавечага жыцця заклікаў
католікаў ЗША старшыня камісіі “Pro-Life” мясцовага Епіскапату кардынал Данель ді
Нардо. З нагоды “Месяца павагі да Жыцця”, які адзначаецца ў кастрычніку ён выдаў спецыяльную
заяву. У ёй іерарах нагадаў аб мільёнах дзяцей, якія забіваюцца ва ўлонні маці, знішчанні
чалавечых эмбрыёнаў нібыта “у імя навукі” і ратавання жыцця цяжка хворых людзей з
дапамогай новай кампаніі за легалізацыю эўтаназіі.
Кардынал заклікаў амерыканскіх
католікаў уключыцца ў малітоўнае чуванне ў інтэнцыі зачатага жыцця, якое запрапанаў
папа Бэнэдыкт ХVI. Святы Айцец папрасіў біскупаў усяго свету і ўсе каталіцкія парафіі
і законныя супольнасці, каб 27 лістапада маліліся за кожную чалавечую істоту, якая
павінна нарадзіцца.
29 верасня біскуп Галантэ, ардынарый дыяцэзіі Кэмдэн у
Нью-Джэрсі, прысутнічаў на малітоўным чуванні перад адной з абартыўных клінік у рамках
кампаніі “40 дзён для жыцця”. Па словах біскупа толькі малітва можа прадухіліць трагедыю
аборту. “Толькі праз малітву мы можам змяніць нашыя сэрцы. Папраўкі могуць змяніць
закон, але не сэрца, і мы жадаем навяртання сэрца”,- сказаў біскуп
Нью-Джэрсі
з’яўляецца адным з васьмі амерыканскіх штатаў, у якіх аборты фінансуюцца непасрэдна
са сродкаў падатнікаў.