Doktrina shoqërore e Kishës dhe çështjet e mjedisit. Paraqitet raporti i Vrojtuesit
Kardinali Van Thuàn
Doktrina shoqërore e Kishës dhe çështjet e mjedisit, janë në qendër të raportit të
“Vrojtuesit Kardinali Van Thuàn”, që u paraqit këtyre ditëve në edicionin e dytë mbi
Doktrinën Shoqërore të Kishës në Botë. ”Të informohemi, por edhe të reflektojmë për
të mësuar se në çfarë pike kemi arritur dhe në të cilin drejtim jemi duke shkuar”:
ky pra është synimi që ka presidenti i kjo organizate, kryeipeshkvi imzot Krepaldi.Është
fjala për një etapë të mëtejshme të një projekti të doktrinës shoqërore të Kishës
që është nisur vitin e kaluar, me botimin e edicionit të parë, e që merr në shqyrtim
prodhimin, përhapjen, kërkimin dhe zbatimin konkret të doktrinës shoqërore të Kishës
në kontinente të ndryshme. Për përpilimin e edicionit të vitit 2010, organizata “Vrojtuesi
Ndërkombëtar Kardinali Van Thuàn” ka përfituar edhe nga bashkëpunimi i Qendrës së
Mendimit Social Katolikë të Universiteit të Shën Palit të Arekuipa të Perusë (Centro
de Pensamiento Social Catòlico i Universitetit San Pablo të Arequipa), nga Fondacioni
Pali VI i Madridit (Fundaciòn Pablo VI de Madrid) e nga Fondacioni i Shërbimit Politikë
të Parisit ( Fondaciònde Service Politique), që janë kujdesur edhe për
botimin si dhe për përhapjen e këtij raporti. Kështu, sivjet raporti botohen në Itali,
Spanjë, Francë e Peru. Struktura e veprës – që i referohet kryesisht vitit 2009
– është mjaft e artikuluar: pas përmbledhjes si hyrje, vijon me analizën e magjisterit
të Benediktit XVI e pastaj me pjesën informative mbi të pesë kontinentet. Në vazhdim
raporti përcakton e vënë në pah “problemet e vitit” që, në vitin 2010, prekin sidomos
mjedisin dhe nxehjen klimatike. Një tjetër hapësirë e reflektimit i kushtohet
edhe diskriminimeve mbi bazën fetare. Këtu vërehet që, pavarësisht nga vështirësitë,
katolikët rezultojnë se janë shumë më tepër të angazhuar në solidaritet ndaj bashkësive
tjera fetare të diskriminuara. Në raport përmenden e analizohet faktet kryesore e
në veçanti realiteti në Azi. Po kështu vihen në pah fryma e madhe e altruizmit që
karakterizon veprimtarinë e besimtarëve në këtë kontinent, si dhe kontributi i jashtëzakonshëm
që ata u ofrojnë të mënjanuarve e shtresave më të brishta të shoqërisë. Këtu shënohen
edhe sulmet, fyerjet e dhuna që ushtrohet pikërisht ndaj atyre katolikëve që bëjnë
mirë e që angazhohen për paqe e drejtësi. Raporti përfundon me “propozimin e vitit”,
që do të thotë se është zgjedhur një fjalim i Papës në saje të rëndësisë që ka për
doktrinën shoqërore dhe me kronologjinë e ngjarjeve kryesore ndërkombëtare që karakterizuan
vitin 2009. “Raporti – pohon imzot Krepaldi – është rezultat i jetës së Vrojtuesit
e thotë se gjatë vitit të kaluar me promovimin e organizatës “Kardinali Van Thuàn
International Network” është rritur dukshëm edhe bashkëpunimi ndërkombëtar, çka ka
bërë të mundur edhe zgjerimin e vështrimit në nivelin botëror, pasi që partnerët që
kanë aderuar në këtë network, janë institute të rëndësishme në Evropës e në Amerikën
latine”.