Կիրակնօրեայ աւետարանական ընթերցում - Գ կիրակի յետ Խաչի

ընթերցում ս. Մատթեոսի Աւետարանէն գլուխ 24, 30-35

Կիրակնօրեայ աւետարանական ընթերցում - Գ կիրակի յետ Խաչի

ընթերցում ս. Մատթեոսի Աւետարանէն գլուխ 24, 30-35



30 եւ ա՛յն ատեն մարդու Որդիին նշանը պիտի երեւնայ երկինքի մէջ։ Այն ատեն երկրի բոլոր տոհմերը պիտի հեծեծեն, ու պիտի տեսնեն մարդու Որդին՝` որ կու գայ երկինքի ամպերուն վրայ, զօրութեամբ ու մեծ փառքով։

31 Եւ ան պիտի ղրկէ իր հրեշտակները բարձրաձայն փողով, ու պիտի հաւաքեն իր ընտրեալները չորս հովերէն, երկինքի մէկ ծայրէն մինչեւ միւս ծայրը։

32 Թզենիէ՛ն սորվեցէք *առակ մը երբ անոր ոստերը կակուղնան եւ տերեւները ցցուին՝` կը հասկնաք թէ ամառը մօտ է։

33 Նո՛յնպէս դուք՝` երբ տեսնէք այս բոլոր բաները, գիտցէ՛ք թէ մօտ է՝` դռներուն քով։

34 Ճշմա՛րտապէս կը յայտարարեմ ձեզի Այս սերունդը պիտի չանցնի, մինչեւ որ այս բոլոր բաները ըլլան։

35 Երկինք ու երկիր պիտի անցնին, բայց իմ խօսքերս [բնա՛ւ] պիտի չանցնին։