Մուսա Լերան Հերոսամարտի Տօնակատարութիւնը՝ Աւանդութիւն Հայաստանի Մէջ.

Սեպտեմբեր 22ին հրաւիրուած մամլոյ ասուլիսի մը ընթացքին, «Մուսա Լեռ» հայրենակցական միութեան նախագահ Պերճ Ղազարեան նշած է, թէ այս տարի լրացաւ Մուսա լերան հերոսամարտի 95 ամեակը, որուն ծիրէն ներս Հայաստանի մէջ կազմակերպուեցան շարք մը՝ արդէն իսկ աւանդական դարձած ձեռնարկներ, ինչպէս՝ հարիսայի պատրաստութիւն, ֆութպոլի պատանեկան մրցաշարք, «Մուսա լերան 40 օրերը» շարժապատկերի ցուցադրութիւն, «Մուսա լերան 40 օրերը» թատրոնի բեմադրութիւն, եւ Ֆրանց Վերֆելի նուիրուած երեկոյ, եւ այլն:
Այս տարի, քանի որ հերոսամարտի 95 ամեակն էր, պատրաստուեց 95 կաթսայ «հարիսա», իսկ 100 ամեակին նախատեսում ենք՝ 100 կաթսայ: Այս տարի կազմակերպեցինք նաեւ ֆութպոլի պատանեկան մրցաշար, որտեղ ՝՝մուսալեռցիները՝՝ երկրորդ տեղը գրաւեցին . մի շարք միջոցառումներ կազմակերպեցինք նաեւ Մուսա լերան հերոսամարտի Յուշակոթողի մօտ», յայտնեց հայրենակցական միութեան նախագահը։
Նշենք, որ Մուսա Լեռը, ներկայիս Սամանտաղ (կը կոչուի թրքերէն) Միջերկրական ծովու ափին, սահմանակից է Սուրիոյ: Մուսա Լերան վրայ կան 6 գիւղեր, որոնցմէ այժմ հայաբնակ է միայն Վագըֆլը գիւղը: Պերճ Ղազարեան նաեւ աւելցուցած է,որ 2004-ին կատարուած ուսումնասիրութեան մը իբրեւ արդիւնք արձանագրուած է, թէ աշխարհի մէջ կը բնակի շուրջ 15 հազար մուսալեռցի, որոնցմէ 7000ը՝ Հայաստանի մէջ: