Հայաստանի Ազգային տօնին առթիւ 21 Սեպտեմբեր
2010-ին Հռոմի ՜՜Հանրապետութիւն՝՝ անուան հրապարակը գտնուող՝ Santa Maria degli Angeli
e dei Martiri՝՝ անուան տաճարին մէջ, Ս. Գեղարդ վանքի իգական երգչախումբը, հրամցուց հայ
հոգեւոր երգեր։
Ս. Գեղարդ վանքի իգական երգչախումբը սկսած է գործել 2001 թուականին,
2003-ին վերակազմաւորուած է Գարեգին Բ. Ամենայն Հայոց կաթողիկոսի տնօրինութեամբ, Տ. Ղեւոնդ
աբղ. Ղեւոնդեանի վանահայրութեան օրով։
Երգչախումբը բազմաթիւ համերգներով հանդէս
եկած է Գերմանիոյ մէջ (2002-2003ին) Աւստրիոյ մէջ (2003-ին) ֆինլանտայի մէջ (2005-ին)
եւ Հայաստանի տարբեր համերգասրահներուն մէջ։
Երգչախումբը բաղկացած է ութը անդամներէ,
ղեկավարն է Սոփրանօ Անահիտ Պապայեան։ Անդամները՝ սօփրանօ՝ Յասմիկ Թորոսեան, Գլարա Յովհաննիսեան
եւ Եռա Յովսէփեան , իսկ ալթօ՝ Լուսինէ Ղազարեան, Ալվարդ Պետրոսեան, Էլինէ Խաչատրեան
եւ սեդա Ամիրգարայեան։
Երգչախումբին գեղարուեստական ղեկավարն է արուեստագիրութեան
թեկնածու, երաժշտագէտ, հայ հոգեւոր երաժշտութեան պետական կեդրոնի տնօրէն, գիտութիւններու
ազգային Ակադեմիայի արուեստի ուսումնարանի ֆոլգլորագիտութեան բաժնի վարիչ ու Երեւանի
Կոմիտասի անուան պետական երաժշտանոցի դասախօս Մհեր Նաւոյեանը։