Ліст Папы Бэнэдыкта ХVI да старшыні Папскай рады па справах сям’і
Святы Айцец напісаў
ліст да кардынала Энніё Антанэллі, старшыні Папскай Рады пас правах сям’і ў сувязі
з падрыхтоўкай да VII Сусветнай сустрэчы сем’яў, якая адбудзецца з 30 мая да 3 чэрвеня
2012 года ў Мілане пад дэвізам: ”Сям’я: праца і свята”
Папа нагадвае аб
тым, што праца і святы цесна звязаныя з сямейным жыццём і абгрунтоўваюць яго выбар,
уплываюць на адносіны паміж мужам і жонкай, паміж бацькамі і дзецьмі; а таксама на
адносіны сям’і з грамадствам і Касцёлам. Праца як і святы дапамагаюць нам у сапраўдным
чалавечым жыцці. ”Паўсядзённая практыка паказвае, што сапраўднае развіццё асобы ўключае
ў сябе індывідуальныя, сямейныя і калектыўныя памеры, як таксама адкрытасць на надзею
і Дабро без межаў”,- піша Папа.
Бэнэдыкт ХVI выказвае смутак з-за таго, што
сучасная арганізацыя працы прычыняецца да распаду сям’і і грамадства і садзейнічае
індывідуальнаму ладу жыцця. “У сувязі з гэтым неабходна заахвочваць да роздумаў і
разважанняў, якія накіраваны да гармоніі патрабаванняў і часу працы з патрабаваннямі
сямейнага жыцця і да аднаўлення сапраўднага сэнсу свята, асабліва нядзелі, штотыднёвай
Пасхі, дня Пана і дня чалавека, дня сям’і, супольнасці і салідарнасці”,- падкрэслівае
Святы Айцец.
Папа перакананы, што наступная Сусветная Сустрэча Сем’яў
з’яўляецца асаблівай нагодай, каб пераасэнсаваць нанава працу і свята з пункту гледжання
сям’і, якая аб’яднаная і адкрытая на жыццё, добра ўкаранёная ў грамадстве і Касцёле,
звяртаючы ўвагу не толькі на пытанні сямейнай эканомікі, але і на якасць гэтых адносін.
У той жа час Святы Айцец адзначае, што гэта падзея, каб стаць сапраўды плённай, не
можа быць ізаляваная. Гэта патрабуе адпаведнай касцёльнай і культурнай падрыхтоўкі.
“Таму я спадзяюся, што ў 2011 годзе, ў ХХХ гадавіну апостальскай адгартацыі “Familiaris
consortio” можна будзе пачаць падрыхтоўку на парафіяльным, дыяцэзіяльным і нацыянальным
узроўнях, з мэтаю падкрэсліць дасведчанні працы і свята ў іх сапраўдных і рэальных
аспектах, ў прыватнасці іхняга ўплыву на канкрэтнае жыццё сем’і.