Benedikti XVI ka kërkuar sot prej besimtarëve të pranishëm në audiencën e përgjithshme,
mbajtur paradite në Vatikan, të mbështesin me lutjet e tyre drejtuar Zotit mbledhjen
plenare të komisionit të përzier ndërkombëtar ndërmjet katolikëve e ortodoksëve që
po zhvillohet në Vjenë mbi “rolin e Ipeshkvit të Romës në bashkim me kishën Universale
me vëmendje të posaçme ndaj mijëvjeçarit të parë të historisë së krishterë”. “Bindja
ndaj vullnetit të Jezu Krishtit, Zotit tonë, dhe konsiderimi i sfidave të mëdha, që
paraqiten sot para krishterimit, na detyrojnë të impenjohemi seriozisht në çështjen
e rivendosjes së bashkimit të plotë ndërmjet Kishave. I këshilloj të gjithë të luten
intensivisht për punimet e Komisionit e për zhvillimin e konsolidimin e vazhdueshëm
të paqes e mirëkuptimit ndërmjet të pagëzuarve, në mënyrë që të jemi në gjendje t’i
japim botës një dëshmi ungjillore gjithnjë e më të vërtetë”, tha Papa në mbarim të
audiencës së përgjithshme.