Shqipëri: Presidenti Topi dekreton ndryshimet në qeveri.
Presidenti i Shqipërisë Bamir Topi dekretoi të martën, propozimet e bëra nga kryeministri
Sali Berisha për ndryshimet në qeveri. Sipas publikimit zyrtar nga Presidenca,
Kreu i shtetit dekretoi shkarkimin nga posti i ministrit të Jashtëm të Ilir Metës
dhe emërimin e tij si ministër i Ekonomisë. Presidenti i Shqipërisë gjithashtu
dekretoi emërimin e Edmond Haxhinasto në postin e ministrit të Punëve të Jashtme,
si dhe shkarkimin e ministrit të Ekonomisë, Tregtisë dhe Energjetikës, Dritan Prifti. Ndryshimet
në qeveri u propozuan dje nga kryeministri Berisha pas vendimit të marrë nga kryesia
e Lëvizjes Socialiste për Integrim, pjesë e koalicionit qeverisës.