Ministri Jashtëm italian: për çështjen e Kosovës, Serbia ka vepruar mirë sipas Evropës
Serbia ka “konfirmuar thirrjen e saj evropiane” që tani duhet pranuar me dërgimin
“sa më shpejtë” të kërkesës së saj të pranimit në Komisionin evropian. Kështu tha
ministri i Jashtëm i Italisë Franko Frattini, në mbarim të takimin në Farnesina me
kolegun serb Vuk Jeremiç, duke iu referuar adoptimit të rezolutës mbi Kosovën, të
sponsorizuar nga BE-ja. Ministri i Jashtëm italian, vlerësoi “qëndrimin fleksibil
strategjik që ndërmori Beogradi i cili ka vendosur t’i jap prioritet perspektivave
evropiane në Vend, me gjithë temën e ndjeshme nga pikëpamja kombëtare siç është ajo
e Kosovës”. Ky fakt, sipas Frattinit, ripohon “thirrjen evropiane të presidentit Tadiç”.
Për këtë, shtoi ministri i Jashtëm italian, “në mbledhjen e fundit të këshillit të
ministrave të BE-së, pritem që propozimi i nisjes së kërkesës së aderimit të Serbisë
në Komision të ishte në tavolinë, mirëpo mjerisht nuk ndodhi”. Urimi i ministrit italian
është pra që tani “Evropa ta merr këtë vendim politik sa më parë të jetë e mundur,
brenda tetorit”, kur do të mblidhet këshilli i ministrave të Punëve të jashtme të
Evropës. Duke nënvizuar se Italia është “miku më i mirë që Serbia ka në Evropë”, Frattini
kujtoi edhe takimin e nivelit të lartë ndërqeveritar italo-serb që do mblidhet në
tetor në Beograd. Një samit mbi të cilit është ndalu gjatë edhe Jeremiç duke shpjeguar
se do të përqendrohet mbi tema të ekonomisë e të sigurisë dhe ka si synim “bashkëpunim
në luftën kundër kriminalitetit të organizuar nga një anë dhe shkëmbimet ekonomike
në anën tjetër”. “Italia - theksoi Jeremiç - është një ndër partnerët tanë kyç në
botë dhe gjithmonë ka qenë një ndër mbështetësit më të mëdhenj, në mënyrë të padiskutueshme,
të aspiratave evropiane të vendit tonë”.