Нядзеля для Бога і чалавека. Еўрапейская ініцыятыва
Працягваецца еўрапейская
грамадзянская кампанія ў абарону нядзельнага адпачынку і сям’і. Ініцыятарам стала
еўрапейская група парламентарыяў, спасылаючыся на закон Еўрапейскага Саюза, які пачаў
дзейнічаць 1 снежня мінула года і прадугледжвае стварэнне грамадзянамі Еўрасаюзу петыцыі
з заканадаўчымі ініцыятывамі.
Парламентарыі сцвярджаюць, паводле еўрапейскага
заканадаўства нядзеля — гэта дзень для адпачынку, аднак к многіх краінах гэтае прадпісанне
не захоўваецца. Усё больш людзей працуе ў нядзелю. Гэта наносіць шкоду сям’і, асабліва
дзецям. Ім неабходны дзень, які яны маглі б правесці са сваімі бацькамі.
Ініцыятары
петыцыі адзначылі, што нядзеля як дзень адпачынку з’яўляецца адным з краевугольных
камянёў сацыяльнай мадэлі Еўропы, належыць да яе рэлігійнай і культурнай спадчыны.
Гэтая ініцятыва адкрыта для ўсіх грамадзян Еўрапейскага Саюза і арганізацый еўрапейскага
кантынента. Каб прапанаваць для разгляду Еўрапейскага парламента праект закона ў абарону
нядзельнага адпачынку, неабходна сабраць не менш за мільён подпісаў.