Бэнэдыкт ХVI да новых біскупаў: “Будзьце слугамі для ўсіх”
Сёння, 11 верасня
Святы Айцец прыняў у сваёй летняй рэзідэнцыі ў Кастэль Гандольфа біскупаў, якія атрымалі
біскупскую сакру ў гэтым годзе. Яны прыехалі ў Рым на курс, які арганізавала Кангрэгацыя
Евангелізацыі Народаў. Большасць біскупаў паходзіць з Афрыкі і Азіі. Такога роду
курсы арганізуюцца ад 1994 году з мэтаю паглыблення новымі біскупамі іх сувязяў
з Паўсюдным Касцёлам і азнаямлення з яго цэнтральнымі ўстановамі.
Звяртаючыся
да іх Папа сказаў: “на вас, дарагія браты, ад нядаўна закліканыя да біскупскага служэння,
Касцёл ускладае не малыя надзеі і глядзіць на вас з малітвай і любоў’ю. Таксама і
я жадаю запэўніць вас у маёй духоўнай блізкасці ў вашай паўсядзённай паслузе Евангеллю.
Гэтая пастырская паслуга,- сказаў далей Папа да біскупаў,- стварае сапраўдную
годнасць біскупа: яна наказвае быць слугою для ўсіх, аж да аддання свайго ўласнага
жыцця. Біскупства, як і святарства, ніколі не павінны быць разгляданыя у катэгорыях
сённяшняга свету. Гэта служэнне любові”.
“Я ведаю,- сказаў на заканчэнне сваёй
прамовы Святы Айцец - што супольнасці даручаныя вам знаходзяцца, так бы мовіць, на
рэлігійнай, антрапалагічнай і сацыяльнай “мяжы” і ў многіх выпадках знаходзяцца ў
меншасці. У гэтых абставінах місія біскупа з’яўляецца асабліва складанаю. Але менавіта
ў такіх абставінах цераз вашае служэнне Евангелле можа паказаць усю сваю збаўчую сілу.
Вы не павінны паддавацца песімізму і адчаю, таму што Святы Дух, які кіруе Касцёлам,
дасць і вам сваім магутным дыханнем мужнасць, каб працягваць шукаць новыя метады
евангелізацыі, каб прыбыць ў раёны дагэтуль яшчэ поўнасцю не дасягнутыя” – сказаў
папа