Aйцец Ламбардзі аб значэнні візіту Бэнэдыкта XVI ў Аб’яднанае Каралеўства
У сваёй пастаяннай
рубрыцы “Octava Dies” кс. Фэдэрыко Ламбардзі кажа, што у чацвер 16 верасня Папа выляціць
у Эдынбург, каб там адразу афіцыйна сустрэцца з Яе Вялікасцю Каралевай Елізаветай
ІІ і пачаць адно з найбольш чаканых падчас яго пантыфікату падарожжаў - у Аб’яднанае
Каралеўства. У брытанскім грамадстве ўзрастаюць чаканне і зацікаўленне візітам,
нягледзячы на некаторыя шумныя, але зусім нязначныя разнагалоссі. Сапраўды пацвярджаецца,
што вялікі рэлігійны і маральны аўтарытэт Папы зможа даць надзвычайна важны станоўчы
і канструктыўны ўнёсак для правільнага адказу на выклікі сённяшняга свету. Безумоўна,
сустрэча Папы з адказнымі прадстаўнікамі ўстаноў і грамадства ў гістарычным Вестмінстэры
будзе адным з кульмінацыйных момантаў падарожжа. Але гэты візіт цалкам асягне сваю
мэту падчас беатыфікацыі кардынала Ньюмана. Гэты англічанін, якога Папа назваў “сапраўды
вялікім”, багатым на “пяшчотную мудрасць” і “поўным святасці жыцця”, з’яўляецца праз
свае творы крыніцаю натхнення для Касцёла і грамадства ў розных кутках свету. Ён пераканаўча
ўвасабляе сабой цудоўны плён глыбокага сінтэзу хрысціянскай веры і брытанскага духа
і яго пастаянную пладароднасць для свету – сённяшняга і заўтрашняга.