Папа прыняў на аўдыенцыі прэзідэнта Венгерскай Рэспублікі
У пятніцу 10 верасня
папа Бэнэдыкт XVI прыняў на прыватнай аудыенцыі ў сваім апостальскім палацы у Кастэль
Гандольфа прэзідэнта Венгерскай Рэспублікі Пала Шматта з суправаджаючымі асобамі
У
выдадзеным камунікаце сцвярджаецца, што пасля сустрэчы са Святым Айцом Прэзідэнт Венгрыі
сустрэўся з Дзяржсакратаром Ватыкану, кардыналам Тарчызіо Бэртонэ і арцыбіскуп Дамінікам
Мамбэрці, Сакратаром па адносінах з дзяржавамі Дзяржаўнага Сакратарыяту Апостальскай
Сталіцы.
Сардэчныя размовы дазволілі абмеркаваць сітуацыю ў Венгрыі, з асаблівым
акцэнтам на ўклад Каталіцкага Касцёла ў агульнае дабро краіны, асабліва ў галіне сацыяльнага
і сямейнага жыцця. У часе сустрэчаў закраналася пытанне старшынства Венгрыі ў Еўрапейскім
Саюзе ў найбліжэйшыя шасць месяцаў, а таксама актуальныя праблемы міжнароднае палітыкі.