Kremtohet sot Dita botërore e alfabetizimit me temën: "Alfabetizimi dhe pavarësia
e grave”
Dita botërore e alfabetizimit kremtohet sot nga UNESCO me seli në Paris me një seri
manifestimesh, ndër të cilat “Rrjeti i njohurisë dhe mjetet e rejat në shërbim të
alfabetizimit” duke theksuar rëndësinë e arsimit të popullsisë në të gjithë botën.
Edukimi dhe lufta kundër analfabetizmit në botë janë elemente të rëndësishëm të cilat
nxisin zhvillimin e një vendi e të një populli. Kjo është dhe arsyeja e kremtimit
të një Dite Botërore, e një nga qëllimet strategjike të UNESCO-s, është edhe kontributi
për realizimin me efektivitet të studimeve, reduktimin e braktisjes shkollore nga
fëmijët e të rinjtë dhe uljen e shkallës së analfabetizmit të njerëzve në botë.
Kjo Ditë ndërkombëtare synon edhe sensibilizimin e Vendeve perëndimore duke kërkuar
ndihmën e tyrepër përmirësimin e gjendjes së rëndë që ekziston ende sot në
shumë Vende të botës, ndërsa në Vende tjera duhet ndihmuar rritjen e mundësisë e të
cilësisë së arsimit për të gjithë njerëzit, pa dallim e pa përjashtim, nëpërmjet ndërtimit
e restaurimit të shkollave, pajisjes me mjete, trajnimit të stafit mësimdhënës, forcimit
të komunitetit shkollor dhe sistemit arsimor publik kudo në botë. Tema për Ditën
ndërkombëtare të alfabetizimit sivjet është zgjedh duke vu në pah binomin “Alfabetizimi
dhe pavarësia e grave”, në përkim me Dhjetëvjeçarin e Kombeve të bashkuara për alfabetizimin
2003-2012. E pavarësia e grave është edhe në qendër në agjenden ndërkombëtare për
zhvillimin, e UNESCO nënvizon pikërisht mungesën dhe pabarazinë që ende sot ekziston
në fushën e arsimit themelor, atë të shkollës fillore për vajza që përbëjnë mbi gjysmën
e 67,4 milionë të fëmijëve që privohen nga arsimimi. E në këtë fushë, gratë përfaqësojnë
dy të tretat e 795 milion të të rriturve analfabet që ekzistojnë në nivelin botëror.