10 кастрычніка распачнецца Сінод біскупаў для Блізкага Усходу”
"Выклікі і чаканні хрысціянаў Усходу: Сінод біскупаў для Блізкага Усходу"- гэта тэма
прэс-канферэнцыі, якая пройдзе 8 верасня ў Парыжы. Праводзіць яе для шырокага кола
журналістаў Біскупская Канферэнцыя Францыі ў сваёй рэзідэнцыі. Ініцыятарам сустрэчы
з'яўляецца каталіцкая дабрачынная арганізацыя «Œuvre d'Orient (Усходнія намаганні)».
Сінод адбудзецца ў кастрычніку. Яго тэма : “Каталіцкі Касцёл на Блізкім Усходзе: супольнасць
і сведчанне. Адзін дух і адно сэрца ажыўлялі ўсіх вернікаў”.
Яшчэ напачатку
года быў выпрацаваны рабочы дакумент Сыноду – “Lineamenta”- ён складаецца з 3-х частак:
старажытная гістрыя Усходняга хрысціянства, яго апостальскі і місійны характар. Тут
таксама гаворыцца пра цяжкасці сённяшняга дня: рэгіянальныя канфлікты, абмежаванні
рэлігійнай свабоды. Узгадваецца ісламскае пытанне: рэлігійны экстрэмізм і патрэба
належнай адукацыі дэлікатнага стаўлення хрысціянаў да дадзенай сітуацыі.
Дакумент
з павагай кажа пра разнастайнасць Цэркваў Блізкага Усходу. А галоўная тэма другога
раздзелу – ажыццяўленне еднасці хрысціянаў. Апошні раздзел прысвечаны хрысціянскаму
сведчанню. У першую чаргу –ў каталіцкім Касцёле, затым – разам з іншымі хрысціянскімі
супольнасцямі, а далей – у дыялогу з юдаізмам і ісламам. Дакумент заахвочвае да вернасці
і мужнасці, неабходных хрысціянам на Блізкім Усходзе.
Прыгадаем, што разам
з французскім кардыналам Філіпам Барбарэнам, ацыбіскупам Ліонскім, прадстаўнікі дабрачыннай
арганізацыі "Œuvre d'Orient" пабывалі ў Беларусі летам мінулага году на запрашэнне
Мітрапаліта Мінскага і Слуцкага Філарэта.