Sot e diel 5 shtator, Kisha kremton të dielën e 23-të gjatë vitit kishtar
e po sot më 5 shtator, kalendari kishtar kremton festën liturgjike të së Lumën
Nënë Terezë, Gonxhe Bojaxhiun, themeluese e Misionareve të dashurisë, bijë e motrë
shqiptare, Nënë e Engjëll i të varfërve. Siç dihet, sivjet kremtohet 100 vjetori
i lindjes që bie më datën 26 gusht e sot më 5 shtator përkujtojmë 13 vjetorin e kalimit
të saj në amshim, e festën shpirtore e Kishtare të Nënë Terezës.
Ky përvjetor
e kjo festë liturgjike kremtohet në të gjitha Kishat në trevat shqiptare e në mbarë
botën, me kujtimin përherë të gjallë të mesazhit që e Lumja Nënë Terezë, Gonxhe Bojaxhiu
u la besimtarëve e të gjithë njerëzve vullnet mirë: ta duam Zotin mbi çdo gjë e të
afërmin porsi vetveten. Gjithnjë këtë të diele më 5 shtator kalendari shënon
edhe kujtimin e shën Erkolanit e Taurinit, martirë. Nesër e hënë
6 shtator, kalendari kishtar Shën Zakarinë, profet; Shën Onesiforin, nxënës i
shën Palit apostull. Të martën e ardhshme më 7 shtator, kalendari
kishtar kujton shën Regjinën, virgjër e martire, shën Guidon, ipeshkëv të Arecos; Të
mërkurën më 8 shtator, kalendari kishtar kremton festën e Lindjes të Lumës së
Mari Virgjër. Kjo festë te populli shqiptar njihet me emrin festa e Zojës së Vogël.
Gjithnjë më 8 shtator, kalendari kishtar kujton edhe shën Sergjin I, papë. Të
enjten e ardhshme më 9 shtator, kalendari kishtar kujton shën Pjetrin Klaver,
meshtar jezuit, apostull ndër zezakë të internuar; shën Gorgonin, martir. Të
premten më 10 shtator,do të përkujtohet shën Nikola nga Tolentino, meshtar agostinian.
Të
shtunën që vjen më 11 shtator, kalendari kishtar kujton shën Protin e Jaçintin,
martirë të Romës.
Të dielën e ardhshme më 12 shtator, kisha kremton
të dielën e 24-të gjatë vitit e po këtë datë kalendari përkujton edhe festën e Emërit
të Shenjtë të së Lumes Mari Virgjër e shën Guidon e Brabantit.