У Ларэто – у Італіі праходзіць сустрэча членаў Ордэна дзяўчат
Богапасвячаныя панны працаю у самых розных галінах зарабляюць на ўласны пражытак:
сярод іх ёсць урачы, медсёстры, настаўнікі, журналісты, адвакаты, студэнткі, навукоўцы
і г.д. Свой вольны час, яктаксама частку сваіх даходаў, яны аддаюць сваёй парафіі,
дыяцэзіі і дапамагаюць манаскім чынам. Усяго ў свеце налічваецца больш за 3000 прысвечаных
Богу дзяўчат, якія жывуць у больш чым 20 краінах свету, з іх - 1675 у Еўропе.
Многія з каталіцкіх ордэнаў, акрамя манахаў і манашак, маюць у сваіх шэрагах таксама
асобную галіну пасвячаных дзяўчат, і такая свецкая форма паслугоўвання усё больш распаўсюджваецца
ў апошнія гады ў дыецезіях Італіі. Сустрэча, у якой прымаюць удзел больш за 200 дзяўчат,
працягнецца да канца тыдня. "Ordo Virginum", гэта значыць «Чын дзяўчат» - даўняя форма
богапасвячанага жыцця, вядомая яшчэ ў апостальскі часы. Яна была адноўленая ў Каталіцкай
Царкве пасля Другога Ватыканскага Сабора. Асобы, жадаючыя стаць членамі гэтага Ордэна,
паводле літургічнага прадпісання падчас урачыстага набажэнства, складаюць на рукі
дыяцезального біскупа публічную прысягу жыць у пастаяннай чысціні і цалкавітасці,
прысьвячаючы сваё жыццё служэнню Касцёлу. Гэта жанчыны, якія жывуць у свеце ў пастаяннай
малітве, пакаянні, служачы блізкім і выконваючы шырокі спектр апостальства - паводле
свайго сацыяльнага стану і талентаў. Цяперашняя сустрэча ў Лорето прысвечаная
саракавой гадавіне абвяшчэння Дэкрэту аб аднаўленні «чыну дзяўчат». Тэма сустрэчы
- «Прароцтва вернасці» - канцэнтруе ўвагу на вернасці ўласнаму пакліканню, вернасці
Хрысту і, у прыватнасці, вернасці ва ўсталяванні і падтрымцы біскупаў - сваёй асаблівай
малітвай і вернасцю. Два гады таму, у маі 2008 года, у Рыме праходзіў міжнародны кангрэс-паломніцтва
«Чыну дзяўчат». Папа Бэнэдыкт XVI, прымаючы удзельнікаў сустрэчы на асобнай аўдыенцыі,
звярнуў увагу на тое, што манаства дзявоцтва з'яўляецца «асаблівым дарам ў Касцёле
і для Касцёла». Свяцейшы Айцец узгадаў, што гэта прызванне глыбока ўкаранілася ў мясцовай
Царкве, да якой адносяцца асобы, якія выбіраюць такі спосаб богапасвячанага жыцця,
а ў завяршэнне адзначыў, што выбар жыцця ў цалкавітым дзявоцтве ў свеце з'яўляецца
«прыгадваннем аб праменлівасці земскай рэчаіснасці і прадчуваннем будучых даброт».
Папа пажадаў дзяўчынам, каб яны былі сведкамі дзейснага і чуллівага чакання, радасці
і свету, з'яўляліся прыкметай чыстасці тых, якія аддаюцца Божай Любові: каб прысутнічалі
ў свеце, і адначасова, спяшаліся да Валадарства Божага ».